Першы паўфінальны матч Лігі Чэмпіёнаў УЭФА адбудзецца на стадыёне «Сан-Сіра» ў аўторак, 20 красавіка – «Інтэрнацыянале» ў Міляне прыме «Барсэлёну», а на наступны дзень у Мюнхене сыйдуцца «Баварыя» і «Ліён».

«Інтэрнацыянале» і «Барсэлёна» забяспечылі сабе трапленьне ў чацьвёрку наймацнейшых у аўторак. «Інтэр» ў другім матчы з мінімальнай перавагай узяў верх над маскоўскім ЦСКА. «Барса» дзякуючы покеру Ліёнэля Месі разграміла ў родных сценах «Арсэнал» з вынікам 4:1. У выніку сіне-гранатавыя адсвяткавалі перамогу па суме дзьвюх сустрэч з лікам 6:3. Паядынак у адказ паўфінальны паміж «Барсэлёнай» і «Інтэрам» пройдзе на «Камп Ноў» у сераду, 28 красавіка.

У прамежку паміж гэтымі датамі адбудуцца матчы паміж «Баварыяй» і «Ліёнам». Мюнхенцы прайгравалі «Манчэстэр Юнайтэд» на «Олд Трафард» у тры мячы, але здолелі забіць двойчы і выйсьці далей па правілу аб галах на выездзе. Ліёнцы у зваротным паядынку 1/4 фіналу супраць «Бардо» таксама пацярпелі паразу, аднак запасу пасля першага матча (3:1) ім для агульнай перамогі аказалася дастаткова.

Упершыню з сэзона 2003/04 ў паўфінале прадстаўлены чатыры краіны, і ўпершыню з сэзона 2002/03 на гэтай стадыі не аказалася ніводнага ангельскага клуба. «Ліён» дайшоў да паўфіналу першым з французскіх каманд пасля «Манака», які гуляў у фінале ў кампаніі 2003/04. Нямецкі клюб («Баер») у папярэдні раз змагаўся на гэтай стадыі ў Лізе Чэмпіёнаў-2001/02. «Баварыя» згуляе ў 1/2 фіналу ўпершыню пасля заваявання залатых медалёў у 2001 годзе.

Фінал Лігі Чэмпіёнаў адбудзецца ў суботу, 22 траўня, на мадрыдскай арэне «Санцьяга Бэрнабэу». За два дні да гэтага ў Хетафе будзе сыграны вырашальны матч жаночай Лігі Чэмпіёнаў.

Паўфіналы Лігі Чэмпіёнаў УЭФА-2009/10:

1: «Баварыя» – «Ліён» (21 і 27 красавіка)
2: «Інтэрнацыянале» – «Барсэлёна» (20 і 28 красавіка)

Фінал: «Санцьяга Бэрнабэу», Мадрыд (22 траўня, субота).

Паводле UEFA.com

Аўтар двух галоў «Барсэлёны» ў гасьцявым матчы 1/4 фіналу Лігі Чэмпіёнаў УЭФА з «Арсэналам» Златан Ібрагімавіч не згуляе ў адказным паядынку на «Камп Ноў» з-за надрыву правай ікраножнай цягліцы. Нападаючы зборнай Швэцыі атрымаў дабро ад мэдыцынскага штаба на ўдзел у нядзельным матчы чэмпіянату Гішпаніі з «Атлетыка» з Більбао, які завяршыўся перамогай каталёнцаў (4:1), але атрымаў траўму яшчэ на размінцы.

Акрамя сустрэчы з «Арсэналам», лёнданская сустрэча з якімі скончылася ўнічыю з лікам 2:2, 28-гадовы футбаліст рызыкуе прапусьціць на наступным тыдні і найважнейшую сустрэчу з галоўным супэрнікам па залатой гонцы ў чэмпіянаце Гішпаніі – мадрыдскім «Рэялам».

Яшчэ адным футбалістам, хто можа не згуляць з «Рэялам», зьяўляецца цэнтральны абаронца Хэрард Піке. Гулец, які не выйдзе на поле супраць «Арсэнала» з-за дыскваліфікацыі, зарабіў ў матчы з «Атлетыка» надрыў цягліцы сцягна. Нязначныя пашкоджаньні атрымалі таксама Хэфрэн і Яя Турэ.

Паводле UEFA.com

За некалькі дзён да першага матчу 1/4 фіналу Лігі Чэмпіёнаў супраць «Манчэстэр Юнайтэд» мюнхенская «Баварыя» засталася без свайго лідэра Ар’ена Рабэна.

Галяндскі хаўбэк рызыкуе прапусьціць хатні паядынак супраць манкуніянцаў, які адбудзецца ў аўторак, з-за расцяжэньня мышцаў галёнкі. Пашкоджаньне Ар’ен атрымаў у матчы 28-га тура нямецкай Бундэслігі супраць «Штутгарта» (1:2). На апошніх хвілінах сустрэчы Рабэн, які зьявіўся на полі адразу пасля перапынку, адчуў боль у назе і быў вымушаны пакінуць межы поля.

«Можа быць, траўма не так сур’ёзная, але ў любым выпадку выхад Робі на полі ў матчы супраць «Манчэстэра» знаходзіцца пад пытаньнем», – заявіў пасля гульні галоўны трэнер мюнхенцаў Луі ван Гал.

Нагадаем, што ў сярэдзіне тыдня Ар’ен вывеў «Баварыю» у фінал Кубка Германіі, забіўшы гол на 112-й хвіліне ў супрацьстаяньні з «Шальке» (1:0). Такім чынам, у дадзены момант мюнхенцы працягваюць барацьбу ў трох турнірах, і калі Рабэн выбыў надоўга, то пэрспэктывы ФК «Галівуд» нельга лічыць весела, паколькі галяндзец зьяўляецца сёньня безумоўным лідэрам атакуючай лініі клюба.

Паводле eurosport.ru

Вінгэр зборнай Партугаліі крайні хаўбэк Нані падпісаў новы кантракт з «Манчэсьцер Юнайтэд» на чатыры гады, пасля чаго заявіў: «Мару заваяваць з гэтай камандай мноства новых трафэяў”.

У 2007 годзе 23-гадовы футбаліст быў набыты ў лісабонскага «Спортынга». З тых часоў Нані правёў 55 матчаў у прэм’ер-лізе і забіў пяць мячоў. Трэнер “Юнайтэд” сэр Алекс Фэргюсан заявіў: «Нані – пастаянна прагрэсуючы талент. Ён істотна прыбавіў з тых часоў, як перабраўся ў Манчэстэр. Мы шчаслівыя, што ён заключыў новы кантракт. Упэўнены, у Нані вялікая будучыня ў нашай камандзе».

Паўабаронца, які правёў 34 матчы за зборную Партугаліі, дадаў: «Трэнэрскі штаб навучыў мяне вельмі многаму. Я гуляю ў адным клюбе з шэрагам вядучых футбалістаў плянэты. Мару заваяваць з гэтай камандай мноства новых трафэяў”. У аўторак у Мюнхене «Манчэсьцер Юнайтэд» правядзе першы матч 1/4 фіналу Лігі Чэмпіёнаў з «Баварыяй».

Паводле UEFA.com

Ульрыш Рамэ падоўжыў дамову з «Бардо» да чэрвеня 2011 года, у выніку чаго правядзе ў шэрагах чэмпіёна Францыі 14-ы сэзон. Дзеючы кантракт 37-гадовага Ульрыша Рамэ з «Бардо» скончваўся па заканчэньні цяперашняй кампаніі. Былы галкіпэр зборнай Францыі адказаў згодай на прапанову застацца ў клюбе да канца наступнага сэзона.

Рамэ, перабраўшыся ў «Бардо» ў 1997 годзе з «Анжэра», зьяўляецца дублёрам Сэдрыка Карасо, і таму сыграў ўсяго чатыры матчы ў бягучым першынстве Францыі. Аднак настаўнік аквітанцаў Ларан Блан адзначыў, што яго вопыт мае неацэннае значэнне для «Бардо».

«Ён зьяўляецца важнай часткай каманды за межамі поля», – сказаў трэнер чэмпіёнаў краіны.

У чвэрцьфінале Лігі Чэмпіёнаў УЭФА «Бардо» чакае сутычка з суайчыннікамі з «Ліёна», у якім аквітанцам давядзецца абысьціся без паслуг 20-гадовага паўабаронцы Грэгары Сэртыка. Футбаліст моладзевай зборнай Францыі зламаў вялікі палец правай нагі і дакладна прапусьціць абодва паядынкі з ліёнцамі. Траўма падпільнавала таленавітага гульца ў нядзельным матчы з «Лілем» (3:1), які стаў для яго дзевятым ў цяперашнім чэмпіянаце.

Паводле UEFA.com

Штогадовы Фэстываль чэмпіёнаў, прымеркаваны да фіналу Лігі Чэмпіёнаў УЭФА, у гэтым годзе пройдзе з 15 па 22 траўня ў мадрыдскім парку Рэціро, а яго шырокая праграма не пакіне абыякавымі прыхільнікаў футбола ўсіх узростаў.

Футбольнае сьвята умесьціць мноства забаў і спэцыяльных мерапрыемстваў, якія ўзрадуюцць аматараў футбола ад малога да вялікага. Усё дзейства ўяўляе сабой кірмаш на адкрытым паветры і будзе прысвечана Лізе Чэмпіёнаў і двум клюбам-фіналістам. Заўзятары атрымаюць унікальны шанец на свае вочы ўбачыць Кубак эўрапэйскіх чэмпіёнаў, а разам з ім шэраг іншых калекцыйных экспанатаў, якія складаюць залаты фонд эўрапэйскага футбола. Напярэдадні вырашальнага матчу прыхільнікі футбола змогуць прыняць удзел у інтэрактыўных гульнях і наладзіць ўласныя матчы на грамадскіх міні-палях. Акрамя таго, заўзятараў чакае яшчэ адзін прыемны сюрпрыз. Гаворка ідзе аб сустрэчы са славутымі ў мінулым футбалістамі, якія правядуць у Мадрыдзе эксклюзіўную аўтограф-сэсію. На ўсе мерапрыемствы ўваход вольны.

Вядомыя ў мінулым іспанскія футбалісты будуць адстойваць гонар краіны ў паядынку супраць каманды сусветных зорак, складзенай з праслаўленых ветэранаў. Год таму ў падобным матчы ўдзельнічалі такія майстры як Вітор Байя, Леанарда, Франк Райкаард і Алесандра Кастакурта. У гэтым годзе кожны зможа асабіста пераканацца ў правамернасьці тэзіса, што высокі клас – гэта назаўжды.

Паводле UEFA.com

Сэр Алекс Фэргюсан (на фота) пасля аб’явы вынікаў жараб’ёўкі адзначыў, што ў «Манчэстэра» зьявіўся добры шанец выйсці ў паўфінал Лігі Чэмпіёнаў. Імя супэрніка – «Баварыя» Мюнхэн – выклікае ў шатляндца дастаткова супярэчлівыя пачуцьці.

«Чырвоныя д’яблы» абыгралі мюнхенцаў усяго аднойчы: з сямі спатканьняў баварцы выходзілі пераможцамі двойчы, яшчэ чатыры матчы завяршаліся ўнічыю. Адным з самых адчувальных удараў для каманды Фэргюсана стала няўдача ў чвэрцьфінале ЛЧ-2000/01. Тады Эфэнбэрг і Ко адквіталіся з ангельцамі, а затым і выйгралі галоўны прыз.

«Гісторыя нашых сустрэч у Эўропе можа расказаць пра тое, якой складаны бой нас чакае, – падкрэсліў сэр Алекс. – Упэўнены, у абодвух матчах будзе панаваць фантастычная атмасфэра: усім вядома, якой выдатны стадыён у Мюнхэне і якая доследная каманда «Баварыя».

«Вядома, спадзяюся, што ўсе гульцы, якія мне спатрэбяцца, будуць у страі. Калі так яно і будзе, то ў нас зьявіцца добры шанэц на посьпех », – заключыў галоўны «чырвоны д’ябал».

«Манчэстэр» – сур’ёзны супэрнік, – паўтарае калегу настаўнік «Баварыі» Луі Ван Гал. – Англічане і «Барсэлёна» – фаварыты турніру».

«Да таго ж яны ў выдатнай форме ў дадзены момант. Адзначу, што «МЮ» любіць дзейнічаць па сваім ўласным сцэнары, што можа стаць нашым козырам. Усё ж такі мы вельмі часта сустракаемся з камандамі, якія аддаюць перавагу гуляць у закрыты футбол», – дадае галяндзец, намякаючы на тое, што сустракацца з атакуючым калектывам яму яўна па душы.

Паводле eurosport.ru

Манчэсцер Юнайтэд – Баварыя
Ліён – Бардо
Арсэнал – Барсэлёна
Інтэр – ЦСКА

Пераможца ў пары Манчэсцер Юнайтэд/Баварыя ў 1/2 фіналу сустрэнецца з пераможцам Ліён/Бардо. Пераможца ў пары Арсэнал/Барсэлёна – з пераможцам у пары Інтэр/ЦСКА.

Расейскі форвард лёнданскага «Арсэнала» Андрэй Аршавін напярэдадні жараб’ёўкі чвэрцьфіналу Лігі Чэмпіёнаў распавёў аб тым, каго хацеў бы атрымаць у супэрнікі свайго клюба.

- У нашай камандзе ніхто не хоча ехаць у Маскву, – прыводзіць словы Аршавіна «Спорт-Экспрэс». – Усе баяцца халадоў і штучнага поля.

- Вы таксама ў гэтых антымаскоўскіх шэрагах?

- Ну, мне да «Лужнікоў» у сакавіку не прывыкаць, хоць, вядома, з задавальненьнем сустрэўся б з ЦСКА на больш познім этапе. А калі б мог паўплываць на жараб’ёўку, папрасіў бы, каб нам да фіналу не выпадалі «Манчэстэр Юнайтэд» і «Барсэлёна».

- А як жа «Інтэр», толькі што мінулы «Чэлсі»?

- «Інтэр», вядома, таксама вельмі добрая каманда, але, як мне здаецца, гэтую Лігу выйграе адзін з трох клюбаў – «МЮ», «Барса» або мы.

- А каго выбралі бы ў супэрнікі ЦСКА?

- Мне здаецца, што армэйцаў лепш за ўсё сустрэцца з «Бардо».

- Лічыце, што гэтая каманда слабее «Ліёна» або добра вам знаёмай па Кубку УЭФА «Баварыі»?

- Калі шчыра, цяперашнюю гульню ўсіх трох гэтых клюбаў уяўляю дрэнна, паколькі ў гэтым сэзоне іх амаль не бачыў. Але, бадай, вы правы – менавіта ў гэтым трохкутніку шанцы ЦСКА пайсці далей найбольш важкія.

Паводле news.sportbox.ru

У адказным матчы 1/8 фіналу Лігі Чэмпіёнаў «Барсэлёна» каменя на камені не пакінула ад «Штутгарта».

Паядынак у Германіі зарадзіў сярод балельшчыкаў швабаў маленькую ндзею, што іх каманда трапіць у чвэрцьфінал (1:1). На выездзе каталёнцы ледзь зьнесьлі ногі, аднак дзякуючы свайму высокаму класу і наяўнасьці ў складзе генія Леа Месі здолелі дамагчыся прымальнага выніку. Паграбняк і кампанія змаглі агаліць патайныя бакі «Барсы», праўда, ўпусьціўшы масу момантаў на роднай арэне, на «Камп Ноў» ужо самі вымушаныя былі чырванець ад уласнай «няёмкасьці».

Барсэлёнский шматтысячнік гудзеў на працягу ўсяго матча. Віртуозы Пэпа Гвардыёлы стваралі неверагоднае. Пачуцьцё дэжавю не пакідала аж да фінальнага свістка. У мінулым годзе нешта падобнае сіне-гранатавыя стварылі з «Баварыяй», таксама скамячыўшы свайго супэрніка ва ўсіх лініях. Гэта прыкмета набліжэньня піку функцыянальнай формы «Барсы». Зладжаная работа ўсіх механізмаў гішпанскай машыны кідалася ў вочы ў кожным гульнявым моманце. Супраць такіх каталёнцаў мала у каго ёсьць шанцы выстаяць, што ўжо там казаць пра серадняк Бундэслігі.

Швабы трымаліся толькі першыя 13 хвілін. Барсэлёнскі рухавік зарабіў на поўную моц, а ў галоўным качагарам стаў Месі. Першы свой гол у сустрэчы Леа забіў далёкім стрэлам, паклаўшы мяч дакладна ў «дзевятку» (1:0), пасля чаго вырашыў наведацца на дыспэтчарскую вахту. Тонкім закідам налева, да якога падлучыўся Турэ, аргэнтынец паклаў пачатак другой выніковай атацы гаспадароў. Яя, атрымаўшы перадачу, у дотык прастрэліў уздоўж варот, а вёрткі Пэдра лёгка обскакаў абаронцаў і ўвагнаў мяч у пустыя вароты (2:0).

Калі да 60-й хвіліны швабы з пераменным посьпехам вытрымлівалі тактычны малюнак ва ўласным тыле, то пад заслону матча абарона гасьцей была настолькі разражанай, што толькі лянівы не скарыстаўся б магчымасьцю прагуляцца па ёй. Калі Месі афармляў дубль, правалілася цэнтральная зона абароны «Штутгарта» (3:0). Цікава, што Кркіч забіў, можна сказаць, першым дотыкам – Ібрагімавіч разразаючай перадачай вывеў маладога нападаючага адзін на адзін з Леманам. (4:0).

«Барсэлёна» ўпэўнена пераадолела бар’ер 1/8 фіналу, даказаўшы, што першы паядынак са «Штутгартам» быў толькі хвіліннай раслабленнасьцю, якую «сіне-гранатавыя» сабе больш не дазволяць.

Паводле eurosport.ru